„დედაშენმაო არ დადო 10 ლარი და მაგიტომ იჯექი ახლა მანდო... მაგიდას თავზე გადაგალეწავ–თქო, რომ ვუთხარი, გაჩუმდა, მაგრამ “დამემუქრა”...“ - ბულინგის შემთხვევა საბავშო ბაღში

21 September 2018, Friday
3 855
0
loading...

სოციალური ქსელის მომხმარებელი ფეისბუკის პირად გვერდზე სტატუსს აქვეყნებს:

”სტატია ვნახე წეღან, ამ სათაურით – “სკოლაში მშობლებმა მოსწავლეს ტორტი არ უწილადეს, დედაშენს ფული არ დაუდია და არ გეკუთვნისო”… სტატიაში წერია – “მშობლის შვილს სხვა მშობლებლებმა საერთო ფულით ნაყიდი ტორტი ჯერ არ უწილადეს, მერე კი დააყვედრეს – ეგ ტორტი მასწავლებლისთვის აგროვებული ფულით ვიყიდეთ, დედაშენს კი ფული არ დაუდია და არ გეკუთვნისო”…

თითქმის, ანალოგიური სიტუაცია მოხდა ჩემი და ჩემი შვილის თავს და ვფიქრობდი, დამეწერა თუ არა ახლა ეს… ხოდა, მოკლედ, გადავწყვიტე დავწერო.
ხაზს ვუსვამ, რომ ეს ამბავი მოხდა მაშინ, როცა ჩემი შვილი ბაღში დამყავდა, ანუ სადღაც 5–6 წლის წინ და კიდევ: ამ შემთხვევაში, მშობლები არა, მაგრამ ჯგუფის მასწავლებელი იყო შუაში…

მოკლედ, ერთ დღეს ვიგებ, რომ 10–10 ლარი უნდა აგვეგროვებინა მშობლებს იმისათვის, რომ პატარა ტელევიზორი გვეყიდა და ბავშვებს ბაღში მულტფილმებისთვის ეყურებინათ. არ მახსოვს, ეს ინიციატივა მშობლებისგან წამოვიდა, თუ მასწავლებლებისგან, მაგრამ ასეთი სიტუაცია იყო.

ამ ინიციატივის კატეგორიული წინააღმდეგი წავედი: ბავშვი ბაღში იმიტომ დადის, რომ ითამაშოს, განვითარდეს, აქტივობებით იყოს დაკავებული და არა იმიტომ, რომ ტელევიზორს უყუროს–მეთქი. წამოვაყენე ახალი იდეა: დაგვედო ის 10–10 ლარი, მაგრამ ტელევიზორის ნაცვლად, სათამაშოები, სხვადასხვა სახის გასართობები გვეყიდა ბავშვებისთვის. მიუხედავად იმისა, რომ ჯგუფში სათამაშოები ისედაც საკმარისი იყო, ვფიქრობდი, რომ ეს უფრო სწორი იქნებოდა, ვიდრე ტელევიზორის ყიდვა.

ჩემს იდეას მხარი არავინ აუბა. ერთადერთი მშობელი აღმოვჩნდი, ვინც ხმამაღლა გავაპროტესტე ეს ამბავი და თუ მაინც და მაინც ბავშვების გართობაზე ვფიქრობდით, სათამაშოები გვეყიდა მათთვის – ამის წინააღმდეგი არ ვიყავი და არც ის 10 ლარი დამაქცევდა.

იმ დღის მერე არავის აღარაფერი არ უთქვამს ჩვენთვის. ჩავთვალე, რომ გადაიფიქრეს ფულის აგროვება და ტელევიზორის ყიდვა, მაგრამ…

ერთ დღესაც ბავშვი რომ ბაღიდან გაიყვანა დედაჩემმა და მე სახლში რომ მივედი, ასეთი ამბავი დამხვდა: თურმე აუგროვებიათ 10–10 ლარი, თანხა ყველა მშობელს დაუდია და გამონაკლისი მხოლოდ მე აღმოვჩნდი.

უყიდიათ ტელევიზორი, შეუტანიათ ჯგუფში და როცა მასწავლებელმა მულტფილმები ჩაურთო ბავშვებს, ჩემისთვის უთქვამს – დედაშენს არ დაუდია ფული, ამიტომ შენ მულტფილმებს არ გაყურებინებთო…

ჯგუფში შესასვლელი კარი გაუღია (შიგნიდან იღებოდა), მოუკიდია ხელი ბავშვისთვის და ამ კარს უკან დაუსვამს სკამზე… ანუ ბავშვი ასე კარს უკან მჯდარა მთელი ის პერიოდი, რა პერიოდიც სხვა ბავშვები მულტფილმებს უყურებდნენ და უყურებდა მხოლოდ მის ცხვირწინ აფარებულ კარს… დედაშენმაო არ დადო 10 ლარი და მაგიტომ იჯექი ახლა მანდო… აი, ასე…

ხომ კარგად ხვდებით, მე იქ რა ამბავს ავწევდი…
ხომ კარგად ხვდებით, რომ არავის ვაპატიებდი ამას…

ისეთი სკანდალი ავტეხე, რომ რა ვიცი… და მხოლოდ რამდენიმე მშობელმა დამიჭირა მაშინ მხარი – დანარჩენები იმ მასწავლებელს ამართლებდნენ… ოღონდ რაში და რატომ, ვერაფრით ვერ გავიგე დღემდე…

საბედნიეროდ, ბაღის დირექტორი შესანიშნავი, არაჩვეულებრივი ადამიანი იყო და არის, სასწრაფოდ მიიღო ზომები – ბავშვი სხვა ჯგუფში გადავიყვანე, მასწვლებელს სერიოზული გაფრთხილება მისცეს და სიტუაციაც დალაგდა.

მაგრამ რაც მე მაშინ გამოვიარე… ახლაც თვალწინ მიდგას ბავშვის ცრემლიანი თვალები – დედიკო, მე დღეს მულტფილმებს არ მაყურებინეს, კარის უკან დამსვესო…

ხოდა, ის სტატია რომ წავიკითხე, რაც ზემოთ მოკლედ დავწერე, ყველაფერი ხელმეორედ გავიარე და განვიცადე ახლა… მაშინ კი, ამ ამბის გასაჯაროებისგან და გატელევიზორებისგან თავი მხოლოდ იმიტომ შევიკავე, რომ ბაღს არაჩვეულებრივი დირექტორი ჰყავს, ძალიან დიდ პატივს ვცემ მას და გულწრფელად ვამბობ, რომ იშვიათია, ასეთი ხელმძღვანელი ჰყავდეს საერთოდ რომელიმე საბავშვო ბაღს…

პ.ს. – როცა გამწარებული მთელ ხმაზე ვყვიროდი და მასწავლებელს ვეჩხუბებოდი, კიდე აქეთ თვალებს მიქაჩავდა და მე გამოვყავდი ისტერიჩკა… ახლა ამ მაგიდას თავზე გადაგალეწავ–თქო, რომ ვუთხარი, მერე იკადრა და გაჩუმდა, მარა “დამემუქრა” პატრულს გამოვიძახებო“

ყველა მშობელმა უნდა დაიცვას თავისი შვილის ინტერესები, რადაც არ უნდა დაუჯდეს ეს! ამოიღეთ ხოლმე ხმა, თუკი თქვენს შვილს ვინმე ჩაგრავს და ნუ შეგეშინდებათ იმის, რომ “ისტერიჩკად” გამოგიყვანენ – მთავარი ბავშვის ინტერესები, მისი უფლებები და კარგად ყოფნაა! სულ უნდა გახსოვდეთ ეს.”скачать dle 12.1
loading...
კომენტარები:
Прокомментировать
reload, if the code cannot be seen
ყველა უფლება დაცულია © 2018